Bonjour, savez, mes gins,
Cha fait d’jà bin lommint qu’on n’saveot pus parlé.
Feaut dire aussi qu’tout i-aveot foutu l’camp et qu’je n’saveos pu v’nir t’nir el crachoir.
Infin, tout cha i-est derrière nous-éautes et asteur nous ovlà orpartis.
Ch’est comme qui direot eine ornaissance.
Ein tout nouvieau clup qui jeue in rouche et blanc, pou l’Tournaisien, ch’est tout ç’qu’i veut.
Et si in puque, no n’équipe elle jeue avé des gins d’ichi ou de l’régieon, ch’t’acor toudis tant mieux.
Ah bin seûr, i faudra du temps pour que tout cha i s’mette à plache.
Mais « A cœur Tournaisien, i n’a rien d’impossipe » , comme i diseot l’éaute.
Et j’sus seûr que l’éaute, i s’ra dins les tribunes à ç’soir, tout comme bramint d’Tournaisiens.
Ch’est l’ornouvieau du fotbal à Tournai et l’feos passée, rien qu’à intinte « Les Tournaisiens sont là » canté pa les supporters, j’d’aveos des guerzilleons.
Alors, j’espère bin qu’pou l’Karmesse, à ç’soir, conte Erpion, on va pouvoir fiêter eine deuxième victoire dins no stade Luc Varenne !
Ch’est tout ç’que j’souhaite.
Allez, mes gins, à l’feos qui vient !
L’Infant d’Tournai