Bonjour, savez, mes gins.
Queu beonne nouvelle d’puis l’dernière feos ?
Tout ç’qu’on peut dire ch’est qu’on n’sint pos acor que ch’est l’auteomne. C’qu’i-est alfeos imbêtant,
ch’est qu’on n’sait pus commint s’habiller. L’matin et l’soir, t’es t’ingêlé et de l’journée te sues
d’quiéaud !
Infin, on est in Belgique et on n’sara rien y canger.
Tant qu’on parle du pays, on n’sait toudis ç’qu’i nous attind avé les nouvelles mesures que
l’gouvernemint i va sortir avé s’bugdet. Cha promet bin de l’détoule pou les meos à v’nir.
Beon, parleons pus sérieus’mint, et orvéneons à no clup.
L’intraineu i-aveot dit, in début d’saiseon, qu’i faudreot acor ein beon meot pou qu’l’équipe i tourne
comme i feaut. Et i-aveot raiseon. On peut dire qu’asteur, les « Rouche et Blanc » i seont su l’beon qu’min et i
carbur’tent comme i feaut.
Pasque quand on ravisse les treos derniers matches, on a toudis marqué au moins quate goals ! Et
ch’n’est tout d’même pos rien. Et acor, i nous manqueot eine paire de jeueux ! Feaut pos d’minder !
A ç’soir, ch’est Naast qui vient jeuer au Stade Luc Varenne. M’visin, que ch’t’ein flamind – i n’in peut pos, ch’est d’jà malhureux assez ainsin – i m’demindeot à côté d’quoi qu’on alleot jeuer. J’ai d’vu li espliquer qu’Naast, ch’t’eine commune tout près d’Soignies.
Du queop, i m’a dit qu’i venn’reot au match.
J’espère qu’à ç’soir, on n’pass’ra pos « à côté » ��
Allez, à l’feos qui vient, mes gins.
