Les propeos d’l’Infant d’Tournai #5

Bonjour, savez, mes gins.
Et alors, commint qu’i va ?
Queu belle arrière-saiseon qu’on a, éné ?
Et dire qu’on est d’jà au Toussaint !
Du queop, d’main, pou bin suife l’traditieon, on va minger des gaufes !
Pasque quand i s’agit d’plucache, el tournaisien i n’dit jamais neon…
Ch’est tell’mint beon d’faire beonne chère !
Mais avant cha, à ç’soir, ch’est l’derby conte l’Pays Blanc. Et cha va ête eine séquoi, savez !
Que ç’soiche l’deuxième qu’i-orcheot l’sixième, ch’est ainsin.
Mais attintieon, pasqu’ein derby, ch’n’est jamais ein match comme ein éaute ! Et l’class’mint i n’veut
alfeos pos dire grand cosse.
Surtout qu’les jeueux i s’connais’tent bin.
Tins, cha n’m’éteonne pos, pasqu’i d’a du Pays Blanc qu’i-eont jeué ichi et i d’a eine paire dins no
n’équipe qu’i-eont jeué à Antoing.
Du queop, on pourreot dire que ch’t’ein match inter amisses. Mais n’faudreot pos busier pour cha
qu’i veont d’faire des cadéeaux ! I n’a pos d’danger !
Tout ç’qu’on espère, ch’est qu’on voirra ein bieau match, avec des jeueux qui voudreont deonner
l’meilleu d’eusses-même dins l’pus chouate des correctieons.
Mais ç’qu’on souhaite surtout, ch’est qu’i-ara d’l’ambiance au stade Luc Varenne, avé bramint
d’supporters et eine masse de péqueux qui venn’reont vir que l’fotbal i-ornait à Tournai.
Et cha, veyez, ch’t’ein incorag’mint pou nos « rouche et blanc » et surtout nos dirigeants.
Alors, tertous pa-d’rrière nos jeueux pou les porter vers el victoire.
Et su ces beonnes paroles, à l’feos qui vient, mes gins.